जागतिक आरोग्य संघटनेच्या एका अहवालानुसार १९८० मधे मधुमेहाचे रुग्ण १० कोटीं होते आणि २०१४ च्या अहवालात हाच आकडा वाढून तो ४२ कोटींच्या वर गेल्याचे दिसून आले आहे.मधुमेह हा एक गंभीर आजार म्हणून संपूर्ण जगात वाढत आहे. म्हणून आज आपण पाहू किती प्रकारचे मधुमेह असतात, मधुमेह होण्याचा संभव कोणत्या लोकांना अधिक असतो आणि मधुमेहाची लक्षणे कोणती? जेव्हा आपण अन्न खातो तेव्हा आपण खाल्लेल्या अन्नाला आपले शरीर ग्लुकोज मधे कन्व्हर्ट करते जे आपल्या रक्त प्रवाहात मिसळून संपूर्ण शरीराला उर्जा देण्याचे काम करते. आपल्या शरीरात स्वादुपिंड नावाचा एक अवयव आहे ज्यात इन्सुलिन तयार होते,हे इन्सुलिन ग्लुकोजला नियंत्रित करते. मधुमेह असणाऱ्या लोकांमध्ये हेच इन्सुलिन योग्य प्रमाणात तयार होत नाही आणि ग्लुकोज पातळी वाढून मधुमेह होतो. याचा दुष्परिणाम मेंदू, मज्जासंस्था,हृदय, किडनी यावर होताना दिसतो.
मित्रांनो बऱ्याचदा मधुमेह असताना लक्षणे दिसून येत नाहीत तेव्हा रुग्ण डॉक्टरकडे आला की त्याची तपासणी करताना डॉक्टर सर्व अभ्यास करतात आणि मग मधुमेहाचे निदान होते. ज्यावेळी लोकांना लक्षणे दिसून येते नाहीत पण त्यांना मधुमेह आहे हे समोर येते तेव्हा त्यांचा विश्वास बसत नाही पण आम्ही डॉक्टर त्यावेळी त्यांना समजवून सांगतो की मधुमेह आहे म्हणजे त्याची लक्षणे दिसतीलच असे नाही.तेव्हा आपण आपली काळजी घ्या आणि काहीही शंका आली तर जरूर डॉक्टरांना भेटा आणि योग्य सल्ला घ्या. पुन्हा भेटू नवीन विषय घेऊन
Do you find the process of getting examined intimidating?
Choosing a right clinic for the matter, Let us take care of
everything.
